fiskekaker-1Ein spade smakar nok spade.
Altså må fiskekaker smake fisk.
Fiskedagen. Dei fleste har ein – om det er tysdag eller lønningsdag eller andre torsdagen i same veka. Sjølvsagt skulle vi ete rein fisk. Stått ved komfyren og panert, marinert og posjert. Men så var det ungane , då, og yogatimen, og røyrleggjaren som skulle komme, og – der var fiskekakepakken. Puh. Fiskedagen berga denne veka og.
Det er ikkje laga nokon statistikk over kor mykje fiskekaker vi et i Noreg. Fiskekaker ropar ikkje ut «hallo, her er eg, tel meg då!» Ho ligg no der, i steikjepanna, saman med råkostsalaten på tallerkenen eller på eingongsgrillen, utan at vi tenkjer større over ho, kanskje. Utgangspunktet er oppmale fiskekjøt, eller farse. Den vert bunden saman med stivelse, gjerne potetmjøl. Så vert farsen spedd og krydra etter smak.
Nyvaska fisk.
Coop Fiskekaker inneheld 26 prosent Argentina silus, ein kvit laksefisk kjend som vassild. Fisken er vanleg mellom anna som bifangst i rekefisket. I dette tilfellet er han fanga i nordaustlege Atlanterhavet. Greitt nok, men fiskeinnhaldet i kakene er oppgjeve til 45 prosent. Nærare halvparten av fiskekjøtet er Surimi, som har slutta å vere muskelfiber for fleire prosessar sidan. Surimi er vaska fiskemasse. Fiskekjøtet vert fyrst male, for så å bli reinsa ei rekkje gonger i kaldt vatn. Då sit ein att med ein geleaktig pasta, som vert tilbakeførd til opphavleg vassnivå og tilførd stabilisatorar i form av tilsetjingsstoff og potetstivelse. Resultatet er eit særs haldbart og anvendeleg halvfabrikat; rimeleg proteinrikt, høveleg til frysing – og tilnærma heilt utan smak.Heldigvis har matvareindustrien råd mot slikt. Om vi kikar litt lenger ned på innhaldslista, tenkjer eg vi finn det; fiskeekstrakt.
Kok kraft på fersk fisk, spray krafta mot masse varm luft slik at fukta i krafta fordampar. Tørrstoffet ramlar ned som pulver, og vips! så har du fiskeekstrakt. Fiskesmak. Verken meir eller mindre. På tid å puste godt ut. Så, trekk pusten på nytt og utbryt; Er det ikkje litt tungvint fyrst å vaske ein fisk tom for smak og aroma, for så å utvinne den same aromaen av ein annan fisk og med det tredje setje det saman att til eit nytt  produkt som smakar – lat meg gjette- fisk ?
fiskekaer-2Lofoten.
«Hjemmelagde fiskekaker av fersk, norsk hysefilet» er kanskje ikkje det lettaste produktnamnet eg har vore borti. Likevel er det mykje lettare å skjøne seg på fiskekakene frå Lofoten. Lofotprodukts serie med marknadsførde «heimelaga» produkt nyttar ikkje tilsette aromaer eller kunstige tilsetjingsstoff. faktisk er heile innhaldslista forståeleg utan eit einaste besøk på verdsveven: hysefilet, heilmjølk, potetmjøl, vatn, lauk, smør, muskat og kvit pepar.
Hyse utgjer 60 prosent av fiskekakene frå Lofoten. det er ein torskefisk som vi har klart å forvalta rimeleg bærekraftig langs heile norskekysten – frå Skagerrak til Barentshavet skal det ifølge WWF vere god rekruttering til hysebestanden. Prisen for velstanden ligg kring 116 kroner per kilo, medan Coop Fiskekaker slår til med 64 kroner.
Kjøper eg Coop fiskekaker? Nei takk, eg tek snarvegen med Lofoten fiskekaker av hysefilet.
Forfatter Siri Helle.
Artikkelen er saksa frå Dag og Tid.

One Response to Fiskekaker?

Legg igjen en kommentar

Din e-postadresse vil ikke bli publisert. Obligatoriske felt er merket med *

Block

Enter Block content here...


Lorem ipsum dolor sit amet, consectetur adipiscing elit. Etiam pharetra, tellus sit amet congue vulputate, nisi erat iaculis nibh, vitae feugiat sapien ante eget mauris.

Næringsliv
desember 2020
M T O T F L S
 123456
78910111213
14151617181920
21222324252627
28293031